Elordada tabiǵatty qorǵaýmen ainalysatyn belsendilerdiń birinshi respýblikalyq eko-sleti ótti, dep habarlaidy QazAqparat.
Jiynǵa respýblikanyń túpkir-túpkirinen kelgen qoǵam belsendileri, volonterler, memlekettik qurylymdar men halyqaralyq uiym ókilderi qatysty.
«Qazirgi kezde adamnyń tabiǵatpen ara qatynasy, bizdiń kúndelikti tirshiligimizdiń qorshaǵan ortaǵa áseri erekshe. Ekologiialyq sanamyzdy ózgertpei, tabiǵatty qurdymǵa jiberip alýymyz múmkin. Volonterler jylynda tabiǵatty qorǵaýǵa úles qosyp kele jatqan eriktilermen bas qosýdy uiǵardyq. Olar arnaiy miinstrlik qurylmai jatyp, qalalar men aýdandardy jaqsartýǵa atsalysqan edi», - dedi QR Ekologiia, geologiia jəne tabiǵi resýrstar ministri Maǵzum Myrzaǵaliev slettiń ashylýynda.
Sonymen birge, ministr «Birgemiz: Taza Álem» atty jalpyulttyq jobany iske asyratyndaryn jetkizdi.
«Ótken jyly «Birgemiz: Taza Álem» aktsiiasyn júrgizgende, ekologiia máseleleriniń qanshalyqty ózekti ekenine kóz jetkizdik. Bul aktsiiaǵa myńdaǵan turǵyndar jinalyp, esepsiz kóp qoqys jinadyq. Jalpy qoǵam ekologiialyq bastamalardy jalǵap áketýge daiyn. Sondyqtan, sondyqtan ekologiialyq aktsiiany jalǵastyrýymyz qajet. Búgingi jiyn arqyly árbir eriktimen jeke tanysyp, jańa bastamalardy talqylai alamyz. Qazaqstannyń árbir óńirinen, búkil elimizdegi ekologiialyq bastamalardyń júzege asyrylýyn qadaǵalap otyratyn ambassadorlardy belgileimiz. Olar óz óńiri boiynsha ekologiialyq volonterlerdi jinap, «Taza álem» naýqanynyń belsendi júrgizilýine septigin tigizedi», - dedi ministr.
Ekologiia elshisi atanǵan eriktiler arasynda tanymal qazaqstandyq rejisser, prodiýser Nurtas Adambai bar.
«Men qai planetada, qai memlekette ómir súrip jatqanymyzdy, erteńgi kúni urpaqtarymyzǵa qandai mura qaldyratynymyzdy umytpaityn adamdar qatarynda bolǵym keledi. Adam tabiǵattan bólek ómir súre almaidy. Adam ózin Jerdiń qojaiyny retinde sezinse, qatty qatelesedi. Barshamyz jer betindegi qonaq ekenimizdi umytpaýymyz kerek. Bizge mura bop jetken dúnieni aialap ustaýymyz qajet. Bizdiń elimiz arnaiy ministrlik quryp, ózekti máselelerge kóńil aýdardy. Las aýany jutyp otyrsaq, sanamyzda taza oi bolmaidy. Árbir qazaqstandyq óz ortasynda ekologiia elshisi bolýy tiis», - dedi N. Adambai.
Jalpy, jiynda qoqystardy suryptaý, qatty-turmystyq qaldyqtardy tutynýdy jəne olardyń paida bolýyn azaitý, ekologiialyq sana men tárbieniń mańyzy, janýarlar men ósimdikter dúniesin saqtaý, ekologiialyq zańdy buzýshylarmen kúres sekildi mańyzdy máeleler talqylandy.
Máselen, minimalizm ustanymymen ómir súretin eko-volonter, mektep oqýshysy Arýjan Saharianova qoqys mólsherin azaitýdy nasihattap júr.
«Qazir Zero Waste (Qoqysty azaitý) ómir saltyn otbasym men dostaryma nasihattap júrmin. Iaǵni, qoqysty qaita óńdeýge bergennen, onyń paida bolýyn azaitý tiimdirek. Máselen, dúkendegi plastik paketterdi qoldanbai, shúberek dorba alyp júrý, plastik bótelkedegi sýdy satyp almai, jeke bótelkemen júrýge bolady. Sebebi, plastik eń kemi 500 jylda joiylady. Sonymen birge, qoqysty kúresinge laqtyrmai, qaita óńdeýge aparamyn. Jalpy, minimalizm saltyn ustanýǵa kóship, tabiǵattan tek keregimizdi ǵana alǵan jón. Sebebi, biz tabiǵatqa tek resýrs retinde qaraimyz, onyń bir kúni sarqylatynyn oilamaimyz», - deidi Arýjan.
