Astana qalasynda ótip jatqan boks keshinde qazaqstandyq kásipqoi boksshy Nursultan Jańabaev braziliialyq Aleks Dýarteni nokaýtpen jeńdi.
Qazaq boksshysy jekpe-jekti uzaqqa sozbady. Kezdesý bastala sala qarsylasyn aýyr soqqynyń astyna alyp, esinen tandyrdy. Tóreshi kezdesýdi toqtatýǵa májbúr boldy.
Osylaisha, 25 jastaǵy jerlesimiz kásipqoi bokstaǵy úshinshi jeńisine qol jetkizdi.
Aita ketsek, buǵan deiin alǵashqy jekpe-jekte qazaqstandyq boksshy Meiirim Nursultanov bir minýttyń ishinde óz qarsylasyn nokaýtpen jeńgen bolatyn.
Ekinshi kezdesýde Dimash Niiazov braziliialyq Edýardo Pereirany upai sanymen jeńdi.
Úshinshi jekpe-jekte Aidos Erbosynuly argentinalyq Djonatan Barbadilony nokaýtpen jeńdi.
Tórtinshi kezdesýde Áli Ahmetov amerikalyq Tomas Djastindi texnikalyq nokaýtpen jeńdi.
