Búgin Astanada Memleket basshysy Nursultan Nazarbaevtyń qatysýymen ótip jatqan VIII Azamattyq forýmǵa myńnan astam delegat qatysyp otyr. Bul týraly Qoǵamdyq damý ministri Darhan Káletaev málimdedi.
«Elbasynyń Azamattyq forýmǵa qatysýy jiynnyń mańyzy men mártebesin eselep otyr. Bul memleket pen qoǵam úshin de, azamattyq sektor úshin de úlken oqiǵa. Bul forýmǵa Elbasynyń saiasatyn qoldaityn, eldiń jarqyn bolashyǵyna senetin azamattardyń forýmy dese de bolady. Mundai kezdesýler halyqty, azamattardy qanattandyryp, olardyń qyzmetterine, joba-josparynyń tabysty júzege asýyna septigin tigizedi dep oilaimyn. Prezidenttiń bastamalaryn laiyqty iske asyrýda Qazaqstannyń azamattyq sektorynyń róli asa mańyzdy. Elbasy óziniń «Qazaqstannyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda atap ótkendei árbir qazaqstandyq júrgizilip jatqan reformalardyń mánin jáne olardyń otanymyzdyń órkendeý jolynda mańyzyn jete túsindirýi tiis. Reformalardy tabysty júzege asyrý úshin qoǵamnyń ortaq maqsatqa jumylýy asa mańyzdy. Búgingi Azamattyq forým dál osy maqsatty kózdeidi», - dedi ministr.
Káletaev bul forýmnyń mańyzy da, mazmuny da erekshe ekenin atap ótti.
«Azamattyq forým alǵash ret osyndai aýqymda, paneldik sessiialardy júieli uiymdastyrý ótip jatyr. Eki kúnde pikirtalas jasaýǵa, pikir almasýǵa arnalǵan 35 dialog alańy kózdeldi. Forýmǵa qatysýshylar sany rekordty kórsetkishke jetti. Forýmǵa elimizdiń azamattyq sektorynyń myńnan astam ókili delegat retinde qatysyp jatyr. Qarqyndy kúnde damyp kele jatqan Qazaqstannyń úkimettik emes sektory qoǵamdyq progresstiń qozǵaýshy kúshi, jaǵymdy ózgeristerdiń bastamasyna ainaldy», - dedi ol.
Atalǵan sharanyń maqsaty – azamattyq sektordyń, memlekettik organdardyń, biznes-qurylymdardyń, halyqaralyq uiymdardyń jáne sarapshylar qaýymdastyǵynyń ashyq dialogyn damytý.
VIII Azamattyq forýmnyń kún tártibindegi negizgi máselesi - azamattyq qoǵamdy damytýdyń 2020-2025 jyldarǵa arnalǵan Tujyrymdama jobasyn talqylaý.
Shara barysynda áleýmettik (QR BǴM, DSM, Eńbek jáne halyqty áleýmettik qorǵaý ministrligi) jáne ekonomikalyq salaǵa jaýapty ministrlermen (QM, UEM, AShM), quqyq qorǵaý organdarynyń ókilderimen qoǵamnyń ózekti máseleleri talqylanbaq.
VIII Azamattyq forým aiasynda seminarlar, sheberlik sabaqtary, dóńgelek ústelder, pikirtalas alańdary, múddeli vedomstvolar basshylarymen salalyq kezdesýler túrindegi 35 taqyryptyq sessiialar ótkizý josparlanǵan.
Forýmda «Adamdar» (People)», «Planeta» (Planet), «Órkendeý» (Prosperity), «Álem» (Peace), «Seriktestik» (Partnership) ataýymen 5 paneldik ses¬siia ótedi. Atalǵan sessiialar BUU-nyń turaqty damý maqsattarynyń quramyna kiretin tiisti maqsatty toptardy qamtidy.
Jiyn búgin de jalǵasyn taýyp otyr. Búgingi shara negizgi plenarlyq oty-ryspen bastalyp, úkimettik emes uiymdardy marapattaý rásimimen aiaqtalmaq.
