Qazaqstannyń Tuńǵysh prezidenti – Elbasy Nursultan Nazarbaev Qazaqstanda kásipodaq qozǵalysyn damytýǵa úles qosqany úshin marapat aldy.
Qazaqstan Respýblikasy Kásipodaqtar federatsiiasynyń málimetinshe, joǵary kásipodaq marapatyn qurý týraly sheshimdi Memlekettik bank mekemeleri jáne qoǵamdyq qyzmet kórsetý qyzmetkerleri salalyq kásipodaǵy ortalyq komitetiniń prezidiýmy qabyldaǵan.
"Kásipodaq qozǵalysyn damytýǵa, Qazaqstan Respýblikasy prezidenti ákimshiliginiń bastaýysh kásipodaq uiymyn qurýǵa jáne saqtaýǵa, memlekettik qyzmetshilerdiń salalyq kásipodaǵyn nyǵaitýǵa qosqan zor úlesi úshin jáne kásibi mereke – memlekettik qyzmetshiler kúnine orai Qazaqstan Respýblikasynyń Tuńǵysh prezidenti – Elbasy Nursultan Ábishuly Nazarbaevty "Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy" qoǵamdyq birlestiginiń "Kásipodaq qairatkeri" №001 medalimen marapattaý týraly sheshim qabyldandy", - dep habarlady uiymnyń baspasóz qyzmeti.
Kásipodaq marapaty Elbasy keńsesiniń basshysy Mahmud Qasymbekovke tapsyryldy.
