Nursultan Nazarbaev saltanatty rásimge qatysýshylardy Qazaqstan táýelsizdiginiń otyz jyldyǵymen quttyqtap, bul aitýly mereke el jetistikteriniń jarqyn simvoly ekenine nazar aýdardy, dep habarlaidy elbasy.kz.
– Qazaqstan osy jyldar ishinde halqymyzdyń igiligi jolynda aýqymdy maqsattarǵa umtyldy. Biz elimizdiń álemde laiyqty oryn alyp, mártebeli memleketke ainalýy úshin aianbai eńbek ettik. Ata-babamyzdyń san ǵasyrlar boiy ańsaǵan armanyn aqiqatqa ainaldyrý uly missiiasy bizdiń býynǵa buiyrǵanyn maqtan tutamyn. Búgin Prezident Jarlyǵymen bir top azamat marapattaldy. Sonyń ishinde sizder de barsyzdar. Táýelsizdik kúni qarsańynda bul nagradalardy tapsyrý men úshin úlken mártebe. Sizder Qazaqstannyń damýy men gúldenýine zor úles qosyp júrsizder, – dedi Elbasy.
Is-shara barysynda memleket jáne qoǵam qairatkerleri, sondai-aq biznes qoǵamdastyǵy ókilderi marapattaldy.
Qazaqstannyń Tuńǵysh Prezidenti «VTB Banki» prezidenti – basqarma tóraǵasy Andrei Kostinniń Qazaqstan-Resei qarym-qatynasyn nyǵaitý isindegi jáne eki eldiń integratsiialyq úderisteri aiasynda investitsiia-bank sektoryn damytýdaǵy eńbegin erekshe atap ótti. Nursultan Nazarbaev Qazaqstan men Resei arasyndaǵy strategiialyq yntymaqtastyqty odan ári tereńdetý qajettigine toqtalyp, bul protsestegi biznes ókilderiniń airyqsha róline mán berdi.
Elbasy Astana jáne Qazaqstan Mitropoliti Aleksandrdy marapattap, konfessiiaaralyq dialogty ilgeriletýdegi, qoǵamdaǵy tynyshtyq pen turaqtylyqty saqtaýdaǵy Pravoslav shirkeýiniń mańyzdy rólin atap ótti.
Sonymen birge «Nur Otan» partiiasy Tóraǵasynyń birinshi orynbasary B.Baibekke, Nursultan Nazarbaev qorynyń atqarýshy direktory Q.Jumabaevqa, Qazaqstan Respýblikasy Konstitýtsiialyq Keńesiniń tóraǵasy Q.Mámige, jazýshy, Memlekettik syilyqtyń laýreaty D.Isabekovke, «QazMunaiGaz» ulttyq kompaniiasy» aktsionerlik qoǵamy basqarmasynyń tóraǵasy A.Aidarbaevqa, «A.N.Syzǵanov atyndaǵy Ulttyq ǵylymi hirýrgiia ortalyǵy» aktsionerlik qoǵamy basqarmasynyń tóraǵasy B.Baimahanovqa, «Bazis-A» kompaniiasy direktorlar keńesiniń tóraǵasy A.Belovichke, Qazaqstan Respýblikasynyń Tuńǵysh Prezidenti – Elbasynyń kómekshisi Á.Tursynovqa, alpinist M.Áýezovaǵa memlekettik marapattar tapsyryldy.
– Sizder árdaiym jańa ideialardy tiimdi júzege asyryp kelesizder. Barshańyzǵa el igiligi jolyndaǵy jemisti qyzmetterińiz úshin zor rizashylyǵymdy bildiremin. Otyz jylda biz Qazaqstannyń ilgeri basýy men órkendeýi úshin qoldan kelgenniń bárin jasadyq. Bul nagradalar – sizderdiń Qazaqstan men onyń halqy aldyndaǵy eńbekterińizdiń laiyqty baǵalanýynyń nyshany, – dedi Qazaqstannyń Tuńǵysh Prezidenti.
