نۇرسۇلتان نازارباەۆ سالتاناتتى رەسٸمگە قاتىسۋشىلاردى قازاقستان تەۋەلسٸزدٸگٸنٸڭ وتىز جىلدىعىمەن قۇتتىقتاپ, بۇل ايتۋلى مەرەكە ەل جەتٸستٸكتەرٸنٸڭ جارقىن سيمۆولى ەكەنٸنە نازار اۋداردى, دەپ حابارلايدى elbasy.kz.
– قازاقستان وسى جىلدار ٸشٸندە حالقىمىزدىڭ يگٸلٸگٸ جولىندا اۋقىمدى ماقساتتارعا ۇمتىلدى. بٸز ەلٸمٸزدٸڭ ەلەمدە لايىقتى ورىن الىپ, مەرتەبەلٸ مەملەكەتكە اينالۋى ٷشٸن ايانباي ەڭبەك ەتتٸك. اتا-بابامىزدىڭ سان عاسىرلار بويى اڭساعان ارمانىن اقيقاتقا اينالدىرۋ ۇلى ميسسيياسى بٸزدٸڭ بۋىنعا بۇيىرعانىن ماقتان تۇتامىن. بٷگٸن پرەزيدەنت جارلىعىمەن بٸر توپ ازامات ماراپاتتالدى. سونىڭ ٸشٸندە سٸزدەر دە بارسىزدار. تەۋەلسٸزدٸك كٷنٸ قارساڭىندا بۇل ناگرادالاردى تاپسىرۋ مەن ٷشٸن ٷلكەن مەرتەبە. سٸزدەر قازاقستاننىڭ دامۋى مەن گٷلدەنۋٸنە زور ٷلەس قوسىپ جٷرسٸزدەر, – دەدٸ ەلباسى.
ٸس-شارا بارىسىندا مەملەكەت جەنە قوعام قايراتكەرلەرٸ, سونداي-اق بيزنەس قوعامداستىعى ٶكٸلدەرٸ ماراپاتتالدى.
قازاقستاننىڭ تۇڭعىش پرەزيدەنتٸ «ۆتب بانكٸ» پرەزيدەنتٸ – باسقارما تٶراعاسى اندرەي كوستيننٸڭ قازاقستان-رەسەي قارىم-قاتىناسىن نىعايتۋ ٸسٸندەگٸ جەنە ەكٸ ەلدٸڭ ينتەگراتسييالىق ٷدەرٸستەرٸ اياسىندا ينۆەستيتسييا-بانك سەكتورىن دامىتۋداعى ەڭبەگٸن ەرەكشە اتاپ ٶتتٸ. نۇرسۇلتان نازارباەۆ قازاقستان مەن رەسەي اراسىنداعى ستراتەگييالىق ىنتىماقتاستىقتى ودان ەرٸ تەرەڭدەتۋ قاجەتتٸگٸنە توقتالىپ, بۇل پروتسەستەگٸ بيزنەس ٶكٸلدەرٸنٸڭ ايرىقشا رٶلٸنە مەن بەردٸ.
ەلباسى استانا جەنە قازاقستان ميتروپوليتٸ الەكساندردى ماراپاتتاپ, كونفەسسيياارالىق ديالوگتى ٸلگەرٸلەتۋدەگٸ, قوعامداعى تىنىشتىق پەن تۇراقتىلىقتى ساقتاۋداعى پراۆوسلاۆ شٸركەۋٸنٸڭ ماڭىزدى رٶلٸن اتاپ ٶتتٸ.
سونىمەن بٸرگە «Nur Otan» پارتيياسى تٶراعاسىنىڭ بٸرٸنشٸ ورىنباسارى ب.بايبەككە, نۇرسۇلتان نازارباەۆ قورىنىڭ اتقارۋشى ديرەكتورى ق.جۇماباەۆقا, قازاقستان رەسپۋبليكاسى كونستيتۋتسييالىق كەڭەسٸنٸڭ تٶراعاسى ق.مەميگە, جازۋشى, مەملەكەتتٸك سىيلىقتىڭ لاۋرەاتى د.يسابەكوۆكە, «قازمۇنايگاز» ۇلتتىق كومپانيياسى» اكتسيونەرلٸك قوعامى باسقارماسىنىڭ تٶراعاسى ا.ايدارباەۆقا, «ا.ن.سىزعانوۆ اتىنداعى ۇلتتىق عىلىمي حيرۋرگييا ورتالىعى» اكتسيونەرلٸك قوعامى باسقارماسىنىڭ تٶراعاسى ب.بايماحانوۆقا, «Bazis-ا» كومپانيياسى ديرەكتورلار كەڭەسٸنٸڭ تٶراعاسى ا.بەلوۆيچكە, قازاقستان رەسپۋبليكاسىنىڭ تۇڭعىش پرەزيدەنتٸ – ەلباسىنىڭ كٶمەكشٸسٸ ە.تۇرسىنوۆقا, الپينيست م.ەۋەزوۆاعا مەملەكەتتٸك ماراپاتتار تاپسىرىلدى.
– سٸزدەر ەردايىم جاڭا يدەيالاردى تيٸمدٸ جٷزەگە اسىرىپ كەلەسٸزدەر. بارشاڭىزعا ەل يگٸلٸگٸ جولىنداعى جەمٸستٸ قىزمەتتەرٸڭٸز ٷشٸن زور ريزاشىلىعىمدى بٸلدٸرەمٸن. وتىز جىلدا بٸز قازاقستاننىڭ ٸلگەرٸ باسۋى مەن ٶركەندەۋٸ ٷشٸن قولدان كەلگەننٸڭ بەرٸن جاسادىق. بۇل ناگرادالار – سٸزدەردٸڭ قازاقستان مەن ونىڭ حالقى الدىنداعى ەڭبەكتەرٸڭٸزدٸڭ لايىقتى باعالانۋىنىڭ نىشانى, – دەدٸ قازاقستاننىڭ تۇڭعىش پرەزيدەنتٸ.
