Elbasy Nursultan Nazarbaev memlekettik nagradalar tapsyrý rásimine qatysty. Bul týraly "Ult aqparat" elbasy.kz saityna silteme jasap habarlaidy.
Elbasy barsha qazaqstandyqty elimizdiń basty merekesi – Táýelsizdik kúnimen quttyqtady.
«Osy jyldar ishinde Qazaqstan aldyna aýqymdy mindetter qoiyp, biik belesterdi baǵyndyrdy. Biz babalarymyzdyń ǵasyrlar boiy ańsaǵan armanyn oryndap, elimizdiń uly tarihyn jalǵastyryp jatyrmyz. Eldigimizdi nyǵaityp, álemdik qoǵamdastyq moiyndaǵan irgeli memleketke ainaldyq», – dedi Qazaqstannyń Tuńǵysh Prezidenti.
Saltanatty shara barysynda Nursultan Nazarbaev Qazaqstan Respýblikasynyń Premer-Ministri A.Maminge, Qazaqstan Respýblikasynyń Tuńǵysh Prezidenti – Elbasynyń kómekshisi D.Aqyshevqa, Almaty oblysynyń ákimi A.Batalovqa, Memlekettik kúzet qyzmeti bastyǵynyń orynbasary – Airyqsha maqsattaǵy kúshterdiń qolbasshysy A.Áshimbekulyna, «Búrkit» memlekettik aviakompaniiasy» respýblikalyq memlekettik kásipornynyń direktory A.Dziýbaǵa, «Mabetex Group» kompaniiasynyń negizin qalaýshy B.Pakollige, Qazaqstan Respýblikasy Prezidenti Is basqarmasynyń Meditsinalyq ortalyǵy basshysynyń orynbasary S.Seitenovke memlekettik nagradalar tapsyrdy.
«Qazaqstannyń órkendeýi men el igiligi – sizder úshin eń mańyzdy dúnie. Bul marapattar – el damýyna sińgen eren eńbektiń jemisi. Barshańyzdy osy joǵary memlekettik nagradalarmen shyn júrekten quttyqtaimyn. Myqty densaýlyq, baq-bereke men tabys tileimin. Táýelsizdigimiz tuǵyrly bolyp, memleketimiz órkendei bersin», – dedi Nursultan Nazarbaev.
