Elbasy Nursultan Nazarbaev qandai kólikpen júretini belgili boldy, dep habarlaidy "Ult aqparat".
Tuńǵysh prezidenttiń baspasóz qyzmeti jariialǵan fotosýretke qaraǵanda, Nazarbaevtyń kóliginiń memlekettik nómiri – 001 QR 01.
"Elbasynyń jeke muraǵatynan birneshe fotosýret jariialaimyz. Buryn bul sýretter Jelide jariialanbaǵan", - dep jazylǵan sýretke sipattamada.
Buǵan deiin Nursultan Nazarbaev 01 KZ nómiri taǵylǵan kólikpen júretin.
Aita keteiik, osy jyldyń naýryz aiynda Elbasynyń resmi saity iske qosyldy. Baspasóz hatshysy Aidos Úkibai Nursultan Nazarbaev jańa portalǵa baǵasyn bergenin habarlady. Sait úsh tilde – qazaq, orys jáne aǵylshyn tilinde aqparat jariialanady.
Nazarbaevtyń kitaptary men maqalalary, sóilegen sózderi, joldaýlary, suhbattary, sondai-aq fotosýretteri qoljetimdi.
Tuńǵysh prezidenttiń ómirin Instagram-da da baqylaýǵa bolady.
