Búgin elordadaǵy Kongress ortalyqta Elbasy Nursultan Nazarbaev «Astana» halyqaralyq qarjy ortalyǵynyń resmi qyzmetin arnaiy gong soǵý arqyly iske qosty, dep habarlaidy QazAqparat tilshisi.
«Uzaq ýaqyt kútken sáttiń týyndaýymen quttyqtaimyn jáne osydan bastap bizdiń Halyqaralyq qarjy ortalyǵymyz qyzmetine kiristi. Osy jerde otyrǵan barlyq ortalyq qatysýshylaryna, ýaqytyn bólip kelip otyrǵan qymbatty qonaqtarymyzǵa shynaiy rizashylyǵymdy bildiremin. Bizdiń elimizge nebári - 27 jyl. Bul tarih úshin qas-qaǵym sát. Degenmen, bizdiń halqymyz bolashaq gúldený jolynda úlken qadam jasady dep oilaimyn. «Astana» halyqaralyq qarjy ortalyǵy da osy maqsatqa qyzmet etetindigine úmit artamyz. Biz óz tarapymyzdan ortalyqtyń jumysy barlyǵyna qanaǵattanýshylyq syilaityndai, bizneske paida ákeletindei jáne Qazaqstan odan mol paida alatyndai jasaityn bolamyz», - dedi ortalyqtyń tusaýyn resmi kesken Nursultan Nazarbaev.
Osydan keiin Qazaqstan Prezidenti ortalyqqa eń birinshi bolyp tirkelgen 50 kompaniia ókilderimen estelik sýretke tústi.
Buǵan deiin habarlaǵanymyzdai, Elbasynyń qatysýymen «Astana» HQO-nyń resmi ashylý rásimi ótti.
Shara barysynda Nursultan Nazarbaev Astana - Táýelsizdigimizdiń, elimizdiń bereke-birliginiń, damýynyń, dárejesiniń simvoly, barlyq bastamalar men oń ózgeristerdiń flagmany ekendigin basa aitqan edi.
