Memleket basshysy Nursultan Nazarbaev Gennadii Golovkinge WBA (Super), WBC, IBO i IBF tujyrymdary boiynsha kásipqoilar arasyndaǵy bokstan álem chempiony ataǵyn qorǵap qalýyna bailanysty quttyqtaý joldady. Bul týraly Aqordanyń baspasóz qyzmeti habarlady.
Qazaqstan Prezidenti Nursultan Nazarbaev G.Golovkinniń qarymdy qarsylaspen jantalasqan jekpe-jekte asqan sheberlik, qajymas qairat jáne naǵyz sportshyǵa tán minez kórsetip, chempiondyq ataqtaryn taǵy da laiyqty qorǵap qalǵanyn atap ótti.
«Seniń jeńisiń barsha qazaqstandyqtarǵa zor qýanysh syilap, olardyń júregin elimizge jáne otandyq boks mektebine degen maqtanysh sezimine bóledi», - delingen quttyqtaýda.
Sońynda Nursultan Nazarbaev G.Golovkinge myqty densaýlyq tilep, sportta jańa jetistikterge jetýine niettestik bildirdi.
