Qazaqstan Prezidenti Nursultan Nazarbaev symbatty dene bitimi úshin qandai dieta ustaný kerektigi jóninde keńes berdi, dep habarlaidy "Ult aqparat".
Memleket basshysynyń keńes bergen beineroligin QR Prezidenti Teleradiokesheni Feisbýkte jariialady.
«Qazir aryqtaǵysy kelip júrgen adam kóp. Tipti aryq adamdardyń ózi de aryqtai tússem deidi. Olar túrli dietalar ustanady: et jeý ziian deidi, maidy tipti jolatpaidy. Biz qazaqpyz ǵoi, etsiz qalai ómir súremiz? (...) Meniń ustanymym - adam aǵzasy qalap turǵan taǵamdy jeýi kerek», - dep atap ótti Nursultan Nazarbaev.
Sonymen birge, Prezident sportpen ainalysý qajettigin eske saldy.
«Adam ózin-ózi kútýi kerek. Deni saý ult bolýymyz qajet. Jastarymyzdyń da osyǵan umtylyp júrgenin bilemin. Arnaiy dieta ustanbaimyn», - dedi Prezident.
