Qala ákimi Baqyt Sultanov Nursultan Nazarbaevqa elordany odan ári damytý jáne qala qurylysyn júrgizý jospary jóninde málimet berdi, dep habarlaidy "Ult aqparat" Tuńǵysh Prezidenttiń baspasóz qyzmetine silteme jasap.
Elbasy turǵyndar úshin qolaily jaǵdailar jasaýdyń jáne áleýmettik infraqurylymnyń qol jetimdiligin qamtamasyz etýdiń mańyzdylyǵyn atap ótti.
Sonymen qatar, Qazaqstannyń Tuńǵysh Prezidenti elordany odan ári damytý isin álemdik tájiribeni jáne qala qurylysyndaǵy zamanaýi trendterdi eskere otyryp jalǵastyrý qajettigin aitty.
Nursultan Nazarbaev elordany gazben qamtý jáne qala kóshelerin kógaldandyra túsý úderisine erekshe toqtaldy.
Sondai-aq, qala kóshelerindegi kólik júktemelerin tómendetý, jaiaý júrginshilerdiń qaýipsizdigi, ekologiialyq problemalardy sheshý jáne Botanikalyq saiabaqty damytý máselelerine basa mán berildi.
