Prezident Qasym-Jomart Kemeluly Toqaevtyń Qazaqstan halqyna Joldaýy – kókeidegi kóp suraqqa jaýap bergen mańyzdy qujat. Bul týraly Parlament Senatynyń depýtaty Súiindik Aldashev málim etti, dep habarlaidy QazAqparat.
«Joldaý - elimizdiń jańa jaǵdaidaǵy damý baǵdarlamasy. Joldaýda áleýmettik, ekonomikalyq, ideologiialyq, mádeni, rýhani máseleler túgel eskerilgen. Kóptegen turalap turǵan túitkilderdi oń sheshýge arnalǵan josparlar aiqyndaldy.
Erekshe atap óter jait, Memleket basshysy ekonomikalyq damýǵa basa mán berdi. Birqatar jobany qaita jandandyrý jaiyn aityp, naqty mindetter qoidy. Mysaly, osyǵan deiin nátijeli júzege asyrylǵan «Nurly jol» kólik-tranzitti baǵdarlamasy Aziia men Eýropany tikelei bailanystyra otyryp, memleketimizdiń halyqaralyq reitingterde alǵa shyǵýyna jol ashqan joba», - dedi S. Aldashev.
Osy oraida depýtat elimizdiń kólik tranzittik sektoryna toqtaldy.
«Degenmen, qazirgi tańda dál osy iri jobaǵa básekeles bolatyn ózge halyqaralyq tájiribeler eskerilip, «Nurly joldyń» ekinshi kezeńin áldeqaida damyǵan deńgeide jalǵastyrý týraly tapsyrma berildi. Demek, 2025 jylǵa deiin elimizdiń kólik tranzittik sektor boiynsha kóshbasshy pozitsiiasyn saqtap qalý mindet etip qoiyldy. Bul elimizge jańa halyqaralyq seriktestermen tyǵyz bailanys ornatyp, qyzmet kórsetý sapasynyń jańa deńgeige kóterilýine sep bolady dep senemiz. Sondai-aq, atalǵan igi joba ekonomikalyq damýymyzǵa da tyń serpin bereri sózsiz», - dedi senator.
