«Nurly Jol» baǵdarlamasy «Qýatty óńirler: el damýynyń draiveri» ulttyq jobasyna ainalady. Bul týraly QR Indýstriia jáne infraqurylymdyq damý vitse-ministri Berik Kamaliev aitty, dep habarlaidy QazAqparat.
«Qazaqstandaǵy avtomobil joldarynyń jelisi 157 myń shaqyrymdy quraidy. Onyń 25 myń shaqyrymy respýblikalyq joldar jáne 71 myń jergilikti, 61 myńy qala men eldi mekender arasyndaǵy joldar. Avtojol salasyn damytý úshin biz Infraqurylymdy damytýdyń 2020-2025 jyldarǵa arnalǵan «Nurly Jol» memlekettik baǵdarlamasyn ázirlegen bolatynbyz. Osy jyldan bastap bul baǵdarlama «Qýatty óńirler: el damýynyń draiveri» ulttyq jobasyna ainalady», - dedi Berik Kamaliev Ortalyq kommýnikatsiialar qyzmetindegi baspasóz máslihaty barysynda.
Onyń dereginshe, 2020 jylǵa deiin respýblikalyq mańyzy bar joldardyń 13 myń shaqyrymǵa jýyǵy rekonstrýktsiialandy. Bul respýblikalyq jeliniń 90 jáne jergilikti jeliniń 75 paiyzyn normativtik jaǵdaiǵa jetkizýge múmkindik berdi.
«Jalpy, Ulttyq jobaǵa sáikes respýblikalyq mańyzy bar joldardyń 12 myń shaqyrymyn qurylys jáne rekonstrýktsiiamen, al 11 myń shaqyrymyn jóndeýmen qamtý kózdelip otyr. Sondai-aq, jergilikti jeli joldarynyń 25 myń shaqyrymyna jóndeý júrgizý josparlanǵan», - dedi ol.
