«Nurly jol» baǵdarlamasy boiynsha 769,6 mlrd teńgeniń 304,4 mlrd teńgesi igerildi. Bul týraly Aqordada Memleket basshysynyń tóraǵalyǵymen ótip jatqan Úkimettiń keńeitilgen otyrysynda QR Ulttyq ekonomika ministri Qýandyq Bishimbaev málimdedi, dep habarlaidy "Ult aqparat" BNews.kz portalyna silteme jasap.
«1 qyrkúiektegi málimetke sáikes «Nurly jol» baǵdarlamasy boiynsha 769,6 mlrd teńgeniń 304,4 mlrd teńgesi igerildi. Onyń ishinde maqsatty transfertter boiynsha igerilgen qarajat somasy 269,5 mlrd teńgeni qurady», - dep baiandady ministr.
Kólik-logistikalyq infraqurylymdy damytýǵa 197,7 mlrd teńge qarastyrylǵan, igerilgen qarajat somasy 99,7 mlrd teńgeni qurady. Al jylý jáne sýmen jabdyqtaý júiesin jańǵyrtýǵa 90 mlrd teńge bólinse, onyń 55,2 mlrd teńgesi igerildi.
«Turǵyn úi salý men infraqurylymdy tartýǵa barlyǵy 329,7 mlrd teńge kózdelgen. Infraqurylymǵa 78,5 mlrd teńge qarastyryldy, onyń 37,7 mlrd teńgesi igerildi. 702 km injenerlik jeli salyndy.Turǵyn úi qurylysyna 251,2 mlrd teńge bólindi. Búgingi kúni 900 myń shashy metr baspana salý úshin 178,3 mlrd teńge somaǵa sharttar jasaldy», - dedi ol.
Budan bólek, bilim nysandaryn salýǵa 60,9 mlrd teńge qarastyrylǵan, onyń 32 mlrd teńgesi igerildi.
Aita keteiik, Aqordada Memleket basshysy Nursultan Nazarbaevtyń tóraǵalyǵymen Úkimettiń keńeitilgen otyrysy ótip jatyr. Otyrysta biylǵy jyldyń 8 aiyndaǵy eldiń áleýmettik-ekonomikalyq damýynyń qorytyndysy shyǵarylyp, aldaǵy ýaqyttaǵy mańyzdy maqsat-mindetter aiqyndalady.
.jpeg)