Biyl «Nurly jer» memlekettik baǵdarlamasy sheńberinde Qyzylorda oblysynda 6400 otbasy baspanaly bolady, – dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Jalpy aýmaǵy 784 myń sharshy metrdi quraityn baspanalar qarjylandyrýdyń barlyq kózderi esebinen salynady.
«Biylǵy I toqsanda salaǵa 6,4 mlrd teńge investitsiia baǵyttalyp, jalpy aýdany 130,3 myń sharshy metr bolatyn 922 jeke úi paidalanýǵa berildi. Jalpy biyl «Nurly jer» memlekettik baǵdarlamasy sheńberinde Qyzylorda oblysynda injenerlik-kommýnikatsiialyq infraqurylym jáne turǵyn úi qurylysyna 9,6 mlrd teńgege 47 joba iske asyrylyp, 1385 adam jumyspen qamtylady», - delingen ministrlik aqparatynda.
Kredittik nemese jalǵa beriletin 873 páterdi paidalanýǵa berý josparlanyp otyr. Onyń ishinde satyp alý quqyǵynsyz arendalyq baspana qurylysyna 22 jobany iske asyrýǵa 5,3 mlrd teńge qarastyrylǵan. Birinshi toqsanda bul maqsatqa 60 mln teńge aýdarylyp, ol tolyqtai igerildi. Jyl sońyna deiin jalpy aýdany 43,8 myń sharshy metr bolatyn 680 jalǵa beriletin páter paidalanýǵa beriledi. Halyqtyń az qamtylǵan áleýmettik toptaryna, kópbalaly otbasylarǵa beriletin ol baspanalardyń qurylysyna 825 adam jumysqa tartylady.
Al kredittik turǵyn úi qurylysyna 17 jobany iske asyrý úshin 1,9 mlrd. teńge qarastyrylǵan. Oǵan 12 myń sharshy metr turǵyn úi nemese 193 páterdi paidalanýǵa berý josparlanǵan. Ol jobalardy iske asyrý úshin 301 adam jumyspen qamtylady.
Sonymen qatar, 2% nesiemen «Baqytty otbasy» baǵdarlamasy aiasynda 309 baspanany qaryzǵa berýge respýblikalyq biýdjetten 3 mlrd teńge qarastyrylyp otyr. Oblysta turǵyn úi qurylystary júrip jatqan aýmaqtarǵa injenerlik-kommýnikatsiialyq infraqurylym tartýǵa 8 joba iske asyrylady. Ol maqsatqa 2,4 mlrd teńge bólinedi. Atalǵan jobalar boiynsha 259 jumys orny ashylady.
