Aqordada ótken Úkimettiń keńeitilgen májilisinde Prezident Nursultan Nazarbaev jeke turǵyn úi qurylysyna 10 sotyq jerdi berýdi kózdeitin «Nurly jer» memlekettik baǵdarlamasyn ázirleýdi tapsyrǵan bolatyn. Kúni keshe Premer-ministri qyzmetinde Úkimettiń alǵashqy otyrysyn ótkizgen Baqytjan Saǵyntaev atalǵan baǵdarlamany ázirleýdi ulttyq ekonomika ministriligine júktedi. Al aýyl sharýashylyǵy ministrligi elimizdiń jer qoryn túgendep shyǵýy tiis. Sondai-aq qala syrtyndaǵy jerlerdi memleket menshigine qaitarý mehanizmderin ázirleý kerek. Sebebi qazirgi zańnamaǵa sáikes, jergilikti bilik jeke turǵyn úi qurylysy úshin jerde memleket muqtajdyǵyna qaitara almaidy. Úkimet basshysynyń orynbasary – aýyl sharýashylyǵy ministri Asqar Myrzahmetovtyń aitýynsha, atalǵan ózgerister engizý jumysy jyldyń aiaǵyna deiin atqarylýy tiis, dep habarlaidy Baq.kz tilshisi.
«Endi, bul baǵdarlama turǵyn-úi kommýnaldyq shraýashylyqqa bailanysty bolyp tur ǵoi. Atalǵan baǵdarlamaǵa turǵyn úi qurylysyna qatysty barlyq máselelerdi engizeiin dep jatyr. Ony ekonomika ministrligi atqarady. Bizge de qatysy bar jeri sol, 10 sotyq, jeke turǵyn úi qurylysyna beriletin jerlerdiń kólemi. Ol jaǵynan ótkende komissiiada da (Jer komissiiasy – avt.) aitylǵan. Búginde qolbailaý bolyp otyrǵan birden-bir másele, ol – ákimder eldi mekenderdegi, sonyń ishinde oblys ortalyqtaryndaǵy (qalanyń syrtyndaǵy – avt.) aýyl sharýashylyǵy jerlerin memlekettiń muqtajdyǵyna jatqyzýy tiis. Al búgingi zańnamaǵa sáikes, tek áleýmettik nysandardy, iaǵni aýrýhana, mektep siiaqty qurylys nysandaryn salǵan kezde ǵana jerdi memleket muqtajdyǵyna satyp alýǵa bolady. Jeke turǵyn úi qurylysy bolsa, ázirshe oǵan ruqsat joq. Endigi jerde zań júzinde osyndai sheshim (ákimderge jeke turǵyn úi qurylysy úshin jerdi memleket muqtajdyǵyna satyp alý týraly – avt.) qabyldanatyn bolsa, onda bul jumys áldeqaida jeńildeidi. Qazir biz zańǵa ózgeris engizý boiynsha jumys jasap jatyrmyz. Sony engizetin bolsaq, jyldyń aiaǵyna deiin sheshim qabyldanady», - dedi A.Myrzahmetov Baq.kz tilshisine bergen suhbatynda.
Aita keteiik, «Nurly jer» baǵdarlamasy aiasynda aldymen injenerlik jelilerdi júrgizý kózdelgen. Sodan keiin 10 sotyq beriledi. Alaida Prezident injenerlik infraqurylymǵa ketken shyǵyndardy qaitarý mehanizmderin de ázirleýdi tapsyrdy. Sebebi onyń barlyǵy biýdjettiń esebinen atqarylady. Degenmen, aldymen turǵyn úi qurylysy úshin jerdi memleket muqtajdyǵyna qaitarý tetikterin zań júzinde qabyldaý qajet.
.jpeg)