Búgin Májilis tóraǵasy Nurlan Nyǵmatýlin depýtattardyń aimaqtarǵa sapary aiasynda jumys saparymen Shyǵys Qazaqstan oblysyna keldi, dep habarlaidy Májilistiń baspasóz qyzmeti.
Palata Spikeri óńirge josparlanǵan saparyn biyl týǵanyna 175 jyl tolatyn Uly aǵartýshy, kemeńger tulǵa Abaidyń týǵan jerinen bastady.
Semei qalasynda Nurlan Nyǵmatýlin «Jidebai-Bórili» memlekettik tarihi-mádeni jáne ádebi memorialdyq murajaiynda boldy.
Májilis tóraǵasy Uly Abai qazynasy Qazaqstan halqynyń rýhani igiligi ekenin alǵa tarta kelip, Qazaqstannyń Tuńǵysh Prezidenti, Elbasy Nursultan Nazarbaev pen Memleket Basshysy Qasym-Jomart Toqaevtyń uly aqyn shyǵarmalaryn keńinen nasihattaýǵa erekshe nazar aýdaryp otyrǵanyn atap ótti.
Májilis Tóraǵasy Qazaqstan Prezidentiniń «Abai jáne XXI ǵasyrdaǵy Qazaqstan» maqalasynda Abai shyǵarmalaryn saqtaý men Semeidiń áleýmettik-ekonomikalyq damýyna qatysty alǵa qoiǵan mindetterdiń mańyzdylyǵyna toqtaldy.
Nurlan Nyǵmatýlinniń pikirinshe, olardy júzege asyrý álemdik deńgeidegi tulǵanyń 175 jyldyǵyn joǵary deńgeide ótkizýmen qatar, elimizdiń tarihi-mádeni muralaryn odan ári nyǵaitýǵa jol ashatyny sózsiz.
