Búgin palata spikeri Nurlan Nyǵmatýlinniń tóraǵalyǵymen Májilistiń Biýro otyrysy ótip, jalpy otyrysta talqylanatyn máseleler aiqyndaldy, dep habarlaidy "Ult aqparat" Májilistiń baspasóz qyzmetine silteme jasap.
Kún tártibiniń jobasyna depýtattardyń nazaryna densaýlyq saqtaý máselesine qatysty zań jobasyn birinshi oqylymda qaraý usynyldy.
Zań jobasy meditsinalyq uiymdarda korporativtik basqarý júiesin jetildirý, donor jáne transplantatsiialaý institýtyn damytý, meditsinalyq bilim berý júiesin jetildirý jáne meditsina kadrlaryn daiarlaý sapasyn arttyrýǵa baǵyttalǵan. Sonymen qatar, mindetti áleýmettik meditsinalyq saqtandyrý júiesin odan ári jetildirý men tegin meditsinalyq kómektiń kepildik berilgen kóleminiń jańa modelin engizý qarastyrylǵan.
Sondai-aq, aldaǵy jalpy otyrysta «Arnaiy ekonomikalyq jáne indýstriialyq aimaqtar týraly» zań jobasy birinshi oqylymda qaralatyn bolady.
Daiyndalǵan zań jobasy aiasynda indýstriialyq aimaqtar úshin zańnamalyq bazanyń joqtyǵyna bailanysty olardyń qyzmeti rettelip, osy saladaǵy ýákiletti organ anyqtalady.
Buǵan qosa, qoldanystaǵy zańnamany EAEO zańnamasyna sáikes keltirý kózdelgen.
Kún tártibinde Palataǵa beiindi komitetterge qorytyndy ázirleý merzimderin belgileý boiynsha zań jobalary usynyldy.
Olardyń qataryna Qazaqstan men Qytai Halyq Respýblikasynyń Úkimetteri arasyndaǵy QHR jeńildikti kredit berýi týraly negizdemelik kelisimdi ratifikatsiialaý týraly zań jobasy jáne Qazaqstan men Resei Federatsiiasynyń Úkimetteri arasyndaǵy M.V. Lomonosov atyndaǵy Máskeý memlekettik ýniversitetiniń Qazaqstandyq filialynyń jumys isteýi týraly kelisimdi ratifikatsiialaý týraly zań jobalary bar.
