Májilis Tóraǵasy Nurlan Nyǵmatýlin Túrkistan qalasynda ótip jatqan Túrkitildes elder Parlamenttik Assambleiasynyń X plenarlyq otyrysynda Qazaqstannyń TúrkPA-ǵa tóraǵalyǵynyń negizgi baǵyttaryna nazar aýdardy. Bul týraly tómengi palatanyń baspasóz qyzmeti habarlady.
Sessiia jumysyna TúrkPA-ǵa múshe elderdiń Ázerbaijan, Qazaqstan, Qyrǵyzstan jáne Túrkiianyń, sondai-aq qonaq retinde Ózbekstannyń jáne baqylaýshysy mártebesimen Majarstannyń parlamenttik delegatsiialary, Túrki yntymaqtastyǵy uiymdarynyń, baqylaýshy uiymdardyń jáne basqa da mekemelerdiń basshylary men ókilderi qatysty.
Nurlan Nyǵmatýlin, Assambleia qyzmetiniń aldaǵy negizgi baǵyttary eń aldymen, Túrki áleminiń uzaq merzimdi maqsattaryn iske asyrýǵa serpin beretin «Túrki keleshegi – 2040» strategiialyq qujatyn ázirleý ekenin aitty.
- Biz Keńeste TúrkPA-nyń Modeldik zańdar týraly erejesin qabyldadyq. Sonymen birge TúrkPA zań jobalaý qyzmetiniń 2022-2027 jyldarǵa arnalǵan baǵdarlamasyn ázirleitin bolamyz.
Jańa tsifrlyq tehnologiialardyń damýy aqparattyq qaýipsizdikti qamtamasyz etýge kóńil bólýdi qajet etedi. Sondyqtan, biz «Kiberqaýipsizdik týraly» modeldik zań qabyldaýdy usynamyz, - dedi Palata spikeri.
Nurlan Nyǵmatýlinniń aitýynsha, taǵy bir negizgi baǵyt – ol halyqaralyq qatynas.
Sonymen qatar, otyrys barysynda qaýipsizdik jaǵdaiyna erekshe nazar aýdaryldy. Bul baǵytta, ásirese, Aýǵanstandaǵy qazirgi jaǵdai alańdatyp otyr. Qazirgi ýaqytta Birikken Ulttar Uiymynyń Aýǵanstanǵa kómek kórsetý missiiasynyń qyzmetkerleri ýaqytsha Almatyǵa kóshirildi.
Osyǵan orai, Májilis Tóraǵasy búgingi kúni atalǵan eldiń gýmanitarlyq daǵdarys aldynda turǵanyn atap ótti.
- Biz Birikken Ulttar Uiymy aiasynda Almatyda halyqaralyq gýmanitarlyq - logistikalyq hab qurýdy usynamyz. Taǵy bir másele, TúrkPA-ǵa qatysýshy memleketter aiasyn keńeitý, - dedi ol.
Sondai-aq, Májilis Tóraǵasy mereitoilyq otyrysqa Ózbekstan Parlamentiniń ókilderi de qatysyp otyrǵanyna qýanyshty ekenin jetkizip, qazirgi ýaqytta túrikmen áriptestermen de parlamentaralyq bailanystyń nyǵaiyp kele jatqanyn atap ótti.
Nurlan Nyǵmatýlin Túrki áleminiń birligi bizdiń elderimiz arasyndaǵymádeni-gýmanitarlyq yntymaqtastyqty nyǵaitýmen tikelei bailanysty ekenine nazar aýdaryp, tóraǵalyq barysynda mádeniet, ǵylym jáne bilimsalasyndaǵy qatynastardy odan ári nyǵaitýǵa erekshe kóńil bóletinine toqtaldy.
Májilis Tóraǵasy otyrys barysynda Qazaqstannyń Tuńǵysh Prezidenti, Elbasy Nursultan Nazarbaevtyń bastamasymen biyl «Túrkistan» telearnasy ashylǵanyn, az ǵana ýaqyttyń ishinde bul telearna zamanǵa sai úzdik tehnikalarmen qamtamasyz etilip, joǵary kásibi mamandarmen tolyqqanyn aitty.
- Túrkistan búkil Túrki áleminiń «rýhani Astanasy» bolǵandyqtan,atalǵan telekanaldy jalpy Túrki memleketterine ortaq arna jasaýdy usynamyn, - dedi Nurlan Nyǵmatýlin.
Májilis Tóraǵasynyń pikirinshe, ol elderimizdiń áleýmettik-ekonomikalyq, saiasi damý jolyn jáne parlamentter qyzmetin jan-jaqty nasihattap, búkil Túrki elderine qajetti aqparattyq orta qalyptastyrýǵa úles qosatyn bolady.
