Májilis Tóraǵasy Nurlan Nyǵmatýlin qazaqstandyqtardy Otan qorǵaýshylar kúnimen quttyqtap, bul erlik pen patriotizm merekesi elimizde erekshe qurmetpen atap ótiletinin aitty, - dep habarlaidy Májilistiń baspasóz qyzmeti.
«Uly Otan soǵysy jyldarynda beibitshilikti qorǵaǵan ardagerlerimizge, basqa elderde óziniń internatsionaldyq boryshyn oryndaǵan jaýyngerlerge, BUU bitimgershilik missiialaryna qatysýshy áskeri qyzmetshilerge shynaiy alǵysymyzdy bildiremiz.
Búginde júzdegen myń qazaqstandyq elimizdiń barlyq halqynyń tynyshtyǵy men ál-aýqatyn qamtamasyz ete otyryp, áskeri bólimshelerde laiyqty qyzmet atqarýda.
Qazaqstannyń Tuńǵysh Prezidenti - Elbasy Nursultan Ábishuly Nazarbaevtyń bastamasymen Táýelsizdik alǵan jyldardan bastap, elimizdiń Qarýly kúshteri nyǵaiyp, búginde ol ulttyq múddeniń senimdi qorǵaýshysy jáne halyqaralyq qaýipsizdiktiń jahandyq júiesiniń negizgi bóligine ainaldy» - dedi Májilis Tóraǵasy.
Sonymen qatar, Nurlan Nyǵmatýlin Qazaqstannyń bitimgershilik jáne jaýyngerlik áleýetin damytý, kez kelgen qaýip-qaterlerge qarsy turý qabileti Memleket Basshysy Qasym - Jomart Kemeluly Toqaevtyń saiasatynyń mańyzdy baǵyty bolyp tabylatynyn atap ótti.
Májilis Tóraǵasy barlyq qazaqstandyqtarǵa myqty densaýlyq, baqyt jáne amandyq tiledi.
