QR Energetika ministri Nurlan Noǵaev jáne Shymkent qalasynyń ákimi Murat Áitenov «PetroQazaqstan Oil Prodakts» JShS-nyń munai óńdeý zaýytyna bardy, dep habarlaidy QR EM baspasóz qyzmeti.
1985 jyly salynǵan Shymkent munai óńdeý zaýyty respýblikamyzdaǵy eń jańa zaýyt bolyp tabylady. Zaýyt Qazaqstannyń úsh MÓZ-deri óndiretin munai ónimderiniń jalpy aǵymdaǵy kóleminiń 30%-yn óndiredi. Shymkent MÓZ-iniń jobalyq qýaty jylyna 6,0 mln tonnany quraidy.
Sapar barysynda Nurlan Noǵaev jáne Shymkent qalasynyń ákimi Murat Áitenov eki kezeńge bólingen jańǵyrtý jobasynyń aiaqtalý qorytyndysymen tanysty, onyń sheńberinde 11 tehnologiialyq qondyrǵy men 29 jalpy zaýyttyq sharýashylyq obektisi salyndy jáne paidalanýǵa berildi. Izomerleý qondyrǵysyn iske qosý birinshi kezeńi aiaqtalǵannan keiin joǵary oktandy benzinniń óndirisi 100%-dy qurady, al Keden Odaǵy Tehnikalyq reglamentiniń talaptaryna sáikes motorly otynnyń sapasy K4 jáne K5 ekologiialyq klassqa jetti (Evro-4 jáne Evro-5 analogtary). Jańǵyrtýdyń ekinshi kezeńi sheńberinde kásiporynnyń jaraǵy «RFCC» katalitikalyq kreking qondyrǵylary, «Prime G+» benzindi gidrotazalaý, «Merox» shekti jáne shekti emes gazdardy tazalaý, sýtegi jáne basqa da tazalaý keshenimen tolyqty. Osynyń arqasynda zaýyttyń qýattylyǵy jylyna 6 mln. tonnaǵa, al munai óńdeý tereńdigi 85%-ǵa artty.
Jańadan salynǵan tehnologiialyq qondyrǵylardy tiimdi basqarý maqsatynda zaýytta jańa mamandyqtar engizildi. Bul mamandyqtarǵa ShMÓZ qyzmetkerlerin Qazaqstannyń jáne sheteldegi uqsas kásiporyndarynda oqytty. 445 jańa jumys orny ashyldy. Qurylysqa barlyǵy 4800 adam jumyldyryldy.
Jańǵyrtý jobasy zaýytty óndiristik kúrdeli jańa deńgeige shyǵardy, bul ShMÓZ-di tek barlyq standarttarǵa ǵana emes, sondai-aq jańa sapa menedjment halyqaralyq júiesine sai qazirgi zamanǵy básekege qabiletti kásiporynǵa ainaldyrdy.
Sonymen qatar, Energetika ministri Nurlan Noǵaev jáne Shymkent qalasynyń ákimi Murat Áitenov munai óńdeý zaýytynyń qyzmetkerlerimen kezdesti. Sapar sońynda Nurlan Noǵaev mejelengen josparlardy oryndaý jáne barlyq munai óńdeý zaýyttarynyń tiimdiligin odan ári arttyrý boiynsha birqatar tapsyrmalar berdi.
2020 jylǵy 9 aida Qazaqstanda munai óńdeýdiń jalpy kólemi 11,5 mln. tonnany qurady.
