Soltústik Qazaqstan oblysy ákimi Qumar Aqsaqalovtyń ókimimen Nurlan Maratuly Keńesov Timiriazev aýdanynyń ákimi bolyp taǵaiyndaldy.
Nurlan Maratuly 1983 jyly Qaraǵandy qalasynda týǵan. Qaraǵandy memlekettik tehnikalyq ýniversitetin menedjment jáne kólik basqarý, uiymdastyrý injeneri mamandyǵy boiynsha támamdady. «Bolashaq» baǵdarlamasy boiynsha Imperial College London ýniversitetinde bilim aldy. QR Prezidenti janyndaǵy memlekettik basqarý Akademiiasyn támamdaǵan.
Eńbek jolyn 2005 jyly Qaraǵandy oblysyndaǵy injenerlik-tehnikalyq ortalyqtyń injeneri bolyp bastady. Indýstriia jáne jańa tehnologiialar ministrliginiń sarapshysy qyzmetinen strategiialyq josparlaý departamenti direktorynyń orynbasary laýazymyna deiin ósti.
Ár jyldary «Nur Otan» ortalyq apparatynyń innovatsiialyq komiteti tóraǵasynyń orynbasary, Ońtústik Qazaqstan oblysy ákimi apparaty basshysynyń orynbasary qyzmetterin atqardy.
2016 jyldan osy kúnge deiin QR Qorǵanys jáne aeroǵarysh ónerkásibi ministrliginiń Strategiialyq josparlaý departamentiniń direktory bolyp jumys istedi.
