QR Prezidenti Qasym-Jomart Toqaevtyń Jarlyǵymen Nurlan Májituly Ábdirov QR Ortalyq sailaý komissiiasynyń Tóraǵasy laýazymyna taǵaiyndaldy, dep habarlaidy "Ult aqparat" Aqordaǵa silteme jasap.
Aita keteiik, Memleket basshysynyń taǵy bir Jarlyǵymen Nurlan Ábdirovtiń Senat depýtaty retindegi ókilettigi toqtatyldy.
Sondai-aq, buǵan deiin Berik Imashev QR Ortalyq sailaý komissiiasy tóraǵasy qyzmetinen bosatylǵanyn habarlaǵan bolatynbyz.
Nurlan Ábdirov 1961 jylǵy 12 qańtarda týǵan.
KSRO IIM Qaraǵandy joǵary mektebin, KSRO IIM Búkilodaqtyq ǵylymi-zertteý institýtynyń kúndizgi adiýnktýrasyn (Máskeý q.), Dj.Marshall atyndaǵy Qaýipsizdik máselelerin zerdeleý jónindegi Eýropalyq ortalyqta basshylyq quramnyń 4 ailyq kýrstaryn (Germaniia) bitirgen. Zańger-quqyqtanýshy. Zań ǵylymdarynyń doktory, professor.
1982 jyldyń qyrkúieginen 1997 jyldyń maýsymyna deiin IIM Qaraǵandy joǵary mektebinde oqytýshylyq qyzmet atqardy.
1997 jylǵy maýsymnan 2000 jylǵy mamyrǵa deiin — Qazaqstan Respýblikasynyń Esirtkini baqylaý jónindegi memlekettik komissiiasynyń hatshysy.
2000 jylǵy mamyrdan 2002 jylǵy qyrkúiekke deiin — QR Nashaqorlyqqa jáne esirtki biznesine qarsy kúres agenttigi tóraǵasynyń orynbasary, QR Ádilet ministrliginiń Nashaqorlyqqa jáne esirtki biznesine qarsy kúres komiteti tóraǵasynyń orynbasary.
2002 jylǵy qyrkúiekten 2005 jylǵy maýsymǵa deiin — Qaýipsizdik keńesi Hatshylyǵynyń memlekettik inspektory, Qaýipsizdik keńesi Hatshylyǵy Qoǵamdyq jáne ekologiialyq qaýipsizdik bóliminiń meńgerýshisi, QR Qaýipsizdik keńesi Hatshylyǵy meńgerýshisiniń orynbasary.
2005 jylǵy maýsymnan 2009 jylǵy qyrkúiekke deiin — QR Qaýipsizdik keńesi Hatshysynyń orynbasary – Qaýipsizdik keńesi Hatshylyǵynyń meńgerýshisi.
2009 jylǵy qyrkúiekten 2020 jylǵy tamyzǵa deiin — Qazaqstan Respýblikasy Parlamenti Májilisiniń tórtinshi, besinshi, altynshy sailanymdarynyń depýtaty, Zańnama jáne sot-quqyqtyq reforma komitetiniń tóraǵasy.
2020 jylǵy tamyzda QR Prezidentiniń Jarlyǵymen Parlament Senatynyń depýtaty bolyp taǵaiyndaldy.
2020 jylǵy qyrkúiekte Qazaqstan Respýblikasy Parlamenti Senaty Tóraǵasynyń orynbasary bolyp sailandy.
«Parasat», «Qurmet» ordenderimen, TMD PAA-nyń «Sodrýjestvo» ordenimen, medaldarmen marapattalǵan.
