Qazaqstandyq palýan Nurislam Sanaev (57 keli) Tokio Olimpidasynyń qola júldegeri atandy, dep habarlaidy "Ult aqparat".
Qola medal úshin ótken jekpe-jekte Sanaevqa qarsy bolgariialyq Georgii Vangelov shyqty. Birinshi kezeńde Vangelov sylbyr qimyldaǵany úshin eskertý aldy. Sonyń arqasynda qazaqstandyq palýan bir upaiǵa ie boldy. Osydan keiin ádisin sheber oryndap, taǵy eki upai ielendi. Al ekinshi kezeńde óz basymdyǵyn ulǵaitty. Qorytyndy esep – 5:1.
Qazaqstandyq palýan birinshi jekpe-jekte Gvineia-Bisaý sportshysy Iýna Fafe Diamantinony jeńgen. Al shirek finalda Aziia jáne álem chempiony, japoniialyq palýan Iýka Takahasiden basym tústi. Biraq jartylai finalda úndistandyq Kýmar Ravige jol berip qoidy.
Aita keteri, búgin áielder arasyndaǵy saiystarda Tatiana Ahmetova (53 keli) alǵashqy beldesýde utylyp qaldy. Iýsýp Batyrmyrzaev (125 keli) birinshi ainalymnan asa almady. Artynan olardyń qarsylastary da jeńildi. Demek ekeýi de jubanysh beldesý múmkindiginen aiyryldy. Al Daniiar Qaisanov (74 keli) jartylai finalǵa deiin jetti. Alaida reseilik palýan Zaýyrbek Sidakovtan utyldy.
Erteń, 6 tamyzda boz kilemge Dáýlet Niiazbekov (65 keli), Valentina Islamova (50 keli) men Álisher Erǵali (97 keli) shyǵady.
