Nurgúl Maýberlinova aqparat jáne qoǵamdyq damý vitse-ministri bolyp taǵaiyndaldy, - dep habarlaidy "Ult aqparat" Primeminister.kz saityna silteme jasap.
"QR Úkimetiniń qaýlysymen Maýberlinova Nurgúl Serikbaiqyzy aqparat jáne qoǵamdyq damý vitse-ministri qyzmetine taǵaiyndaldy", - delingen habarlamada.
Nurgúl Maýberlinova 1973 jyly qarashada Qaraǵandy oblysynda dúniege kelgen. E.Bóketov atyndaǵy Qaraǵandy memlekettik ýniversitetin jáne Qaztutynýodaǵy Qaraǵandy ekonomikalyq ýniversitetin támamdaǵan.
Eńbek jolyn 1992 jyly bastaǵan. Ár jyldary memlekettik organdar qurylymynda jáne kommertsiialyq sektorda jumys istedi.
2006-2008 jyldary - QR Mádeniet jáne aqparat ministrliginiń Aqparat jáne muraǵat komitetiniń bas mamany, bas sarapshysy.
2008-2012 jyldary - QR premer-ministri keńsesiniń aqparattyq-taldaý ortalyǵynyń bas konsýltanty.
2012-2016 jyldary QR Prezidenti janyndaǵy "Ortalyq kommýnikatsiialar qyzmeti" RMM direktorynyń orynbasary, QR Parlamenti Májilisi tóraǵasynyń keńesshisi qyzmetterin atqarǵan.
2016-2018 jyldary - QR Aqparat jáne kommýnikatsiialar ministrliginiń Aqparat komitetiniń tóraǵasy.
2018-2019 jyldary - QR aqparat jáne kommýnikatsiialar ministriniń orynbasary.
2019-2020 jyldary - QR aqparat jáne qoǵamdyq damý ministriniń orynbasary.
2020 jyly mamyrdan bastap qazirge deiin QR Prezidenti Ákimshiliginiń ishki saiasat bóliminiń meńgerýshisi boldy.
Eske salaiyq, buǵan deiin Memleket basshysynyń ókimimen Nurgúl Maýberlinova Prezident ákimshiliginiń ishki saiasat bóliminiń meńgerýshisi qyzmetinen bosatylǵan bolatyn. Ol 2020 jyldyń mamyrynan bastap Prezident Ákimshiliginiń ishki saiasat bólimin basqardy.
