Nurǵali Núsipjanov osydan bes jyl buryn Jadyra Seideshtiń "Júrekjardy" baǵdarlamasynyń qonaǵy boldy, dep jazady Sputnik.
2014 jyly aqpan aiynda jýrnalist Qazaqstannyń halyq ártisi Nurǵali Núsipjanovtan suqbat alǵan. Onda qazaq ánshisi soǵys jyldary ótken balalyq shaǵy, ónerge kelýine sebepshi bolǵan jandar jaily áńgimeleidi. Buǵan qosa, Qazaqstannyń halyq ártisi Shámshi Qaldaiaqov týraly oi-pikirin aitady. Ol kezde Nurǵali Núsipjanov 77 jasta, al bolashaq jary - Jadyra Seidesh 32 jasta bolatyn.
"Júrekjardy" – tanymal telejýrnalist Jadyra Seideshtiń avtorlyq baǵdarlamasy. Eldiń erekshe nazaryna ilikken iri tulǵalardyń ómirinen syr shertedi.
Aita ketsek, búgin 82 jastaǵy Nurǵali Núsipjanovtyń 37 jastaǵy Jadyra Seideshke úilengeni belgili boldy. Úilený toiyna ártistiń eń jaqyn dostary qatysqan.
Jadyra Seidesh 1982 jyly dúniege kelgen. Ulttyq arna, Qazaq radiosy, KTK arnasynda kóp jyl jýrnalist, telejúrgizýshi bolyp istegen. 2015 jyly "Júrekjardy" avtorlyq baǵdarlamasy úshin "Serper" jastar syilyǵynyń laýreaty atandy.
Ashyq derekkózdegi aqparatqa súiensek, Nurǵali Núsipjanovtyń birinshi áielinen Bibigúl, Alma, Dariǵa, Nurgúl, Nurzar atty bes balasy bar.
