«Qazgidromet» mamandary Nura ózeni sýyndaǵy ottegi mólsheri normaǵa túskenin málimdedi, dep habarlaidy "Ult aqparat".
«Qazgidromet» zerthanasynyń mamandary Aqmola oblysynyń Tóitóbe kentinde Nura ózenindegi balyqtardyń qyrylýyna bailanysty 8 mamyr kúni ózen arnasynyń 3 tusynan sýdan synama alyp, zerttegen bolatyn. Atalǵan synamalar sýdaǵy ammonii men ion mólsheriniń normadan artqanyn kórsetken.
13 mamyrdaǵy málimetke sáikes, sý synamasy norma shegine oralǵan.
«Búgin besinshi táýlik qatarynan biohimiialyq taldaýlar ózen sýyndaǵy ottegi mólsheri norma sheginde (0,8-1,0 mg/dm3) turǵanyn kórsetti», - dep jazylǵan «Qazgidromet» málimetinde.
