Qazaqstan astanasynda qyrkúiektiń sońǵy kúni alǵashqy qar jaýdy, dep habarlaidy "Ult aqparat".
Aita keteiik, sinoptikter dúisenbi, 30 qyrkúiekte Nur-Sultan qalasynda kóshpeli bult shyǵady, kún jaýyn-shashynsyz, kúndizgi temperatýra 5-7 gradýs jyly bolady dep boljaǵan.
"Qar – qyrkúiek aiy úshin qalypty qubylys. Onyń ústine biz dabyldy eskertý jariialadyq", - dep túsinikteme berdi "Qazgidromet" RMK injener-sinoptigi Saida Berdibekova.
Sinoptikterdiń málimetinshe, aldaǵy úsh kúnde Qazaqstan aýmaǵynyń basym bóliginde aýa raiy jaýyn-shashynsyz bolady. Tek ońtústik, ońtústik-shyǵys óńirlerde jańbyr jaýady.
Seisenbi, 1 qazan kúni Nur-Sultan qalasynda aýa raiy jaýyn-shashynsyz bolady dep boljanýda. Sekýndyna 3-8 metr jyldamdyqpen jel soǵady. Túnde aýa temperatýrasy 1-3 gradýsqa deiin tómendese, kúndiz 8-10 gradýs jyly bolady.
