Elordada politsiia qyzmetkeri 7 adamdy qutqaryp qaldy, – dep habarlaidy polisia.kz.
Erlan Jańabaev 1 qańtar kúni ákimshilik aýmaǵynda kezekshilik atqaryp júrgende Orlykól kóshesindegi jataqhanadan shyqqan qoiý tútindi kórgen. Ol tez arada kómekke umtyldy. Sonymen qatar qutqarýshylardy kómekke shaqyrýdy da umytpady.
Ol órt sóndirýshilerdi kútip otyrmai, úige júgirip kirip, ishtegi adamdardy syrtqa shyǵara bastady. Olardyń arasynda qart adamdar men balalar bolǵan. Erlan Jańabaev tútindegen úiden 7 adamdy evakýatsiialady. Onyń ishinde 2 bala bar.
Qazirgi tańda oqiǵanyń sebebi anyqtalyp jatyr. Politsiia kapitany ol týraly eshkimge aitpaǵan. Bul jaǵdai órtten qutqarylǵan adamdardyń alǵys aitqan videosy áleýmettik jelide taraǵannan keiin ǵana belgili boldy. Olar ýchaskelik inspektor bolmaǵanda bári qaiǵyly aiaqtalýy múmkin ekenin aitady. Politseidiń ózi erlik jasadym dep sanamaidy.
«Politsiiadaǵy qyzmet – adamdarǵa kúndelikti kómek kórsetý. Bul – bizdiń jumysymyz. Men erekshe is istedim dep oilamaimyn. Bul jaǵdaida kez kelgen adam osylai jasar edi», - deidi politsei.
Erlan Jańabaev ishki ister organdarynda 17 jyldan beri jumys isteidi.
