Elordalyq politsiia departamentiniń qyzmetkerleri Mega SilkWay saýda ortalyǵynda ekinshi qabattan fontanǵa sekirgen turǵyndy ustady. Ol usaq buzaqylyq úshin ákimshilik qamaýǵa alyndy, dep habarlaidy Sputnik.
Politsiia aqparatyna sáikes, bolǵan oqiǵa týraly saýda ortalyǵynyń kúzetshisi habar bergen.
"19 jastaǵy astanalyq dostarymen bástesip, birinshi qabattaǵy fontanǵa sekirgen. Oqiǵa saýda ortalyǵyna kelýshilerdiń kóz aldynda boldy. Jigitti Mega SilkWay kúzetshileri ustap, politsiia qyzmetkerlerine berdi", - dedi qalalyq politsiia departamentinde.
Oqiǵa ornynda mán-jai anyqtalǵan soń jigit "Esil" aýdany politsiia bólimshesine jetkizildi. Ákimshilik quqyqbuzýshylyq týraly kodekstiń 434-baby ("usaq buzaqylyq") boiynsha ákimshilik óndiris bastaldy.
"Mamandandyrylǵan aýdanaralyq sot sheshimimen tártip buzǵan turǵyn qamaýǵa alyndy", - dep naqtylady politsiia departamentinde.
Jigit buǵan deiin de usaq buzaqylyq úshin jaýapqa tartylǵan. Ol joly Almaty metrosynda mýzykany qatty qosqan.
