Elordalyq eńbek migranttary jumysqa ruqsatty kez kelgen HQO-dan ala alady, dep habarlaidy "Ult aqparat".
«Azamattarǵa arnalǵan úkimet» korporatsiiasynyń málimetinshe, 1 qarashadan bastap elordada jumys isteitin eńbek migranttary halyqqa qyzmet kórsetý ortalyqtary arqyly tiisti ruqsat qujattaryn ala bastady.
Atalǵan pilottyq joba QR aýmaǵynda aǵymdaǵy jyldyń 22 maýsymynda bastalǵan bolatyn.
Eger buryn eńbek qyzmetine ruqsat alý nemese uzartý úshin elordalyq migranttarǵa tek kóshi-qon HQO-ǵa júginýge týra kelse, endi olar ruqsatty kez kelgen qalalyq qyzmet kórsetý ortalyǵynan ala alady.
Ol úshin HQO-lardyń aqparat júiesi QR IIM Kóshi-qon qyzmeti júielerimen yqpaldasyp, bastapqy jáne daiyn qujattardy berý tártibi jeńildedi.
Pilottyq joba bastalǵannan beri elordanyń halyqqa qyzmet kórsetý ortalyqtarynda eńbek qyzmetine 6576 patent berildi.
Qarapaiym HQO-larda jobanyń sátti iske asýyna bailanysty Nur-Sultan qalasyndaǵy Imanov kóshesi, 31 mekenjaiynda ornalasqan kóshi-qon HQO-ny taratý týraly sheshim qabyldandy.
Esterińizge sala keteiik, atalǵan kóshi-qon qyzmeti ortalyǵy 2018 jyldyń qańtarynda ashylǵan bolatyn. Munda «Azamattarǵa arnalǵan úkimet» mamandary kóshi-qon politsiiasynyń qyzmetkerlerimen birge «bir tereze»qaǵidaty boiynsha jumys istegen.
Kóshi-qon qyzmeti ortalyǵy ashylǵan sátten bastap «eńbek migranttaryna ruqsat berý jáne uzartý» memlekettik qyzmetin 42 myńnan astam sheteldik azamat paidalandy.
