Nur-Sultandaǵy "Astyqjan" saýda ortalyǵynda jihaz salony órtenip jatyr, - dep habarlaidy Tengrinews.kz Nur-Sultan qalasy TJD baspasóz qyzmetine silteme jasap.
Aldyn ala aqparat boiynsha, 2 qazanda saǵat 09:42-de Nur-Sultan qalasy TJD Órt sóndirý bólimsheleri Ál-farabi dańǵyly, 28 mekenjaiy boiynsha órt týraly kelip túsken habarlamaǵa joǵary shaqyrý nómiri boiynsha shyqty.
Órt sóndirýshiler shaqyrý ornyna 6 minýttan keiin kelgen soń, "Astyqjan" saýda ortalyǵynda 3-qabatta jihaz salony janyp jatqany anyqtaldy. Zardap shekkender men qaza tapqandar joq. Búginde elordalyq órt sóndirýshiler 76 adam quramynda jáne 19 birlik tehnika jumyldyryldy. Órt sóndirý ornynda órt sóndirý shtaby uiymdastyryldy.
