Nur-Sultandaǵy Máńgilik el dańǵylynda jol apaty videoǵa túsip qaldy. Júrgizýshi baǵdarshamnyń qyzyl túsine ótip ketken, - dep habarlaidy Tengrinews.kz.
Elordalyq Politsiia departamentiniń baspasóz qyzmeti málimetinshe, 20 aqpanda tańǵy saǵat 4.00-de Máńgilik el dańǵylymen kele jatqan Daewoo Nexia kóligin tizgindegen 23 jastaǵy júrgizýshi Syǵanaq kóshesi jaǵynan Almaty kóshesiniń qiylysynda baǵdarshamnyń qyzyl túsine ótip ketken. Saldarynan qarsy baǵytta kele jatqan Toyota Land Cruiser kóligimen soqtyǵysqan.
"Jol apaty saldarynan Daewoo Nexia kóliginiń jolaýshysy men júrgizýshisi zardap shekti. Dárigerler teksergennen keiin júrgizýshi úiine shyǵaryldy, jolaýshy qalalyq aýrýhanaǵa jatqyzyldy. Fakt boiynsha tergeý júrip jatyr", - delingen habarlamada.
