Foto:elements.envato.com
Nur-Sultanda Jeńis kúni qurmetine otshashý bolmaidy, - dep habarlaidy Tengrinews.kz tilshisi.
"Qalalyq mádeniet basqarmasynyń málimetinshe, otshashý josparlanbaǵan", - dedi ákimdiktegiler.
Qalalyq ákimshiliktiń málimetinshe, mamyr aiyndaǵy merekelerde Astanada 40-tan astam is-shara josparlanǵan, onyń ishinde 9 mamyrda ótetin iri is-sharalar:
- "Dańq girliandalaryn" qoiý rásimi;
- Uly Otan soǵysyna qatysýshylardyń eskertkishterine gúl shoqtaryn qoiý;
- Beibitshilik jáne kelisim saraiynda ótetin "Maidan hattary" kontsert-spektakli;
- "Jastar" saraiynyń kontsert zalynda ótetin "Soǵys joldarymen" kontserti;
- Jeńis kúnine arnalǵan tsirk baǵdarlamasy.
Sonymen qatar, 9 mamyrda jalpy bilim beretin mektep oqýshylary, JOO stýdentteri arasynda jyl saiynǵy dástúrli jeńilatletikalyq estafeta ótedi. Estafeta saǵat 10:00-de Áliia Moldaǵulova eskertkishiniń janynda bastalyp, Jeńis kóshesinde aiaqtalady.
Atalǵan is-sharalar barlyq sanitarlyq-epidemiologiialyq normalar men erejeler talaptarynyń saqtalýyn eskere otyryp, oflain-formatta ótedi.
"Jaýjúrek polki" (Óshpes polk. – Eskertý) aktsiiasy áleýmettik jelidegi "Jaýjúrek polki" biryńǵai aqparattyq platformasynda onlain rejiminde ótedi dep josparlanyp otyr.
