Tańerteń er adam kámeletke tolmaǵan boijetkendi tonap ketti, dep habarlaidy "Ult aqparat" Nur-Sultan qalasy PD baspasóz qyzmetine silteme jasap.
25 shilde kúni saǵat tańǵy 05:30-da stantsionarlyq bekettegi patrýl politsiia polkiniń qyzmetkerine 17 jastaǵy boijetken shaǵymdanǵan.
Ol tańǵy júgirý kezinde belgisiz er adamnyń tap berip, «IPhone 8+» telefony men sómkesin ala jónelgenin aitqan.
Kúdiktiniń belgileri anyqtaldy. Politsiia jasaqtary aýdannyń jyqpyl-jyqpylyn tekserip shyqty.
Qylmysker qonaqúi avtoturaǵynda ustaldy, qashpaq bolǵan. Ol 42 jastaǵy Aqmola oblysynyń turǵyny bolyp shyqty.
Atalmysh fakti boiynsha qylmystyq is qozǵaldy.
QR QK «Tonaý» baby boiynsha tergeý júrgizilýde.
Ustalǵan er adamnyń astana aýmaǵyndaǵy osyǵan uqsas qylmystarǵa qatysy bar-joǵy anyqtalyp jatyr.
