Nur-Sultanda kólik jol belgisine soqtyǵysyp, aýdarylyp qaldy, - dep habarlaidy Tengrinews.kz tilshisi elordalyq Politsiia departamentiniń baspasóz qyzmetine silteme jasai otyryp.
Quqyq qorǵaý organdarynyń málimetinshe, 28 qańtarda saǵat 05.22-de Honda avtokóliginiń júrgizýshisi Qarasai batyr kóshesimen Bulanty kóshesine qarai ketip bara jatyp, jol belgisine soǵylyp, aýdarylyp ketken.
"Er adam kólikti ortasha mas kúiinde júrgizgen. Dene jaraqatyn alǵan júrgizýshi aýrýhanaǵa jetkizilip, dárigerlerdiń qaraýynan keiin bosatyldy", - dedi politsiia ókili.
