Nur-Sultanda jańajyldyq korporativtik keshter ótpeidi. Bul týraly Nur-Sultan qalasynyń ákimi Altai Kólginov aityp berdi, dep habarlaidy QazAqparat.
«Jańa jylda korporativtik keshter ótkizbeýimiz kerek. Barlyq kásiporynǵa úndeý jasaǵym keledi: áriptester keshin ótkizbeńizder, sanitarlar buǵan tyiym salyp otyr. Ásirese kafe-meiramhanalar muny ótkizbeýi kerek, ol úshin jaýapkershilik kózdeledi. Mysaly, bul tyiymdy elemeitin meiramhanalar men túngi klýbtar bar. Olarǵa birneshe ret aiyppul salyndy. Biraq, olar úshin aiyppul somasy túk bolmai shyqty, senesizder me? Olar kelýshilerge qaýip tóndirip otyr. Sondyqtan quqyq qorǵaý qyzmeti men sot organdaryna ákimshilik jabý tásilin qoldanýǵa qoldanýǵa týra keldi», - dedi ákim Ortalyq kommýnikatsiialar qyzmetinde ótken brifingte.
«Biz bir-birimizdi, ásirese úlkenderdi, jaqyndarymyz ben týystarymyzdy saqtaýymyz kerek. Jazda qandai qiyn jaǵdai bolǵanyn kórdińizder. Al qazir kórshi elderde, Eýropada taǵy da lokdaýn jariialanǵanyn kórip otyrmyz. Biz kún saiyn jańalyqtardy qarap, qandai shekteý sharalary bar ekenin, infektsiia kóbeigen elder qandai sheshim qabyldaǵanyn tekseremiz. Sondyqtan, jańa jylda adamdar ózderine qater tóndirmeý úide bolǵany durys, bul otbasylyq mereke, al korporativtik keshter ótkizilmeidi jáne jappai serýendeý de bolmaidy», - dedi Altai Kólginov.
