Elordada volonterler shtaby ashyldy, ol «Astana Jastary» memlekettik mekemesi bazasynda jumys isteidi. Búgingi tańda shtabta 2000-nan astam volonter tirkelgen, - dep habarlaidy qalalyq ákimdiktiń baspasóz qyzmeti.
Shtab janynda «ASTANA VOLUNTEERS» volonterler mektebi qurylǵan. Mektep aiasynda jastar áleýmettik, sporttyq, EVENT jáne ECO volonterlik baǵyttar boiynsha oqytylady. Sonymen qatar, tótenshe jaǵdailar boiynsha da volonterler daýyndaý kózdelgen. Oqýǵa niet bildirgen jastardyń aǵymdaǵy jyldyń aqpan aiynda kýrsqa jazylýyna múmkindigi bar.
Volonterler jylyna orai elordada jastardy qoldaýǵa, volonterlikti damytýǵa baǵyttalǵan kóptegen sharalar uiymdastyrylýda. Sonyń biri – «Birge-Taza Qazaqstan» aktsiiasy aiasynda ótetin «VOLUNTEERS CAMP» volonterlerine arnalǵan jyljymaly eko-lager jobasy. Atalmysh shara aiasynda 500-den astam jas kiim-keshekpen, tamaqpen, kólik qyzmetimen qamtamasyz etiledi dep josparlanǵan.
Sondai-aq, «Qaýipsiz qala» ulttyq jobasy aiasynda birqatar is-sharalar ótedi.
Odan bólek, Nur-Sultanda múmkindigi shekteýli jandardy volonterlik qyzmetke qosýdy kózdeitin inkliýzivti volonterlikti damytýǵa erekshe kóńil bólinedi.
Esterińizge salsaq, osy jyly memleket basshysy volonterlik qozǵalysqa belsendi qatysqan stýdentterdiń shákirtaqysyn 30 paiyzǵa kóterýdi tapsyrǵan bolatyn.
Volonterler jyly «Birgemiz», «My - vmeste» uranymen ótedi.
