Nur-Sultanda karantindik shekteýlerdi kúsheitý týraly jańa qaýly erteń, iaǵni 27 maýsymda kúshine enedi, dep habarlaidy "Ult aqparat".
Jańa qaýly QR aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiia otyrysynyń 2021 jylǵy 22 maýsym kúngi hattamasyna sáikes qabyldanǵan bolatyn.
Qujatqa sáikes, memlekettik organdardyń, ulttyq kompaniialardyń, kásiporyndardyń ákimshilik qyzmetkerleriniń keminde 80% qashyqtan jumys isteý tártibine kóshýi kerek. Al vaktsinany tolyq qabyldaǵan qyzmetkerler oflain rejimdegi jumysqa jiberiledi.
«Óndiristik qajettilikke bailanysty menshik nysanyna qaramastan memlekettik organdardyń (uiymdardyń), ulttyq kompaniialardyń, kásiporyndardyń ákimshilik personalynyń keminde 80% qashyqtan jumys isteý túrine kóshirilýi tiis. Bul rette sońǵy 3-6 ai ishinde COVID-19-ǵa qarsy vaktsinalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerdiń kúndizgi rejimde jumys isteýine ruqsat beriledi», — delingen qaýlyda.
