Elordada ujymdyq immýnitettiń qalyptaspaý qaýpi bar. Bul týraly qalanyń bas memlekettik sanitar dárigeri Sarhat Beisenova aitty, dep habarlaidy QazAqparat.
«Qazirgi ýaqytta Nur-Sultan qalasy boiynsha vaktsinanyń birinshi komponentinin 484 myńnan astam azamat alyp, immýndaýdyń tolyq kýrsynan 454 myń adam ótti. Degenmen, muny jetkiliksiz dep sanaimyn jáne halyq arasynda immýndyq qabatty arttyrý úshin ekpe naýqanyn jalǵastyrý qajet», - dedi ol qala ákimdiginde ótken baspasóz máslihatynda.
Bas sanitar dárigerdiń dereginshe, 1-15 jeltoqsan aralyǵynda 12 866 adam ekpe alsa, 16-29 jeltoqsan aralyǵynda vaktsinatsiia qarqyny tómendedi. Naqty aitqanda 9949 adam ekpe saldyrdy.
«Vaktsina alǵan adamdar sanynyń tómendeýi ujymdyq immýnitettiń qalyptaspai qalýyna alyp kelýi jáne aýrýdyń órshýine túrtki bolýy múmkin ekendigin atap ótkim keledi. Áserdi saqtaý úshin immýndaýdan keiin ýaqyt óte kele qorǵanystyń álsireýinen revaktsinatsiia alý talap etiledi», - dedi Sarhat Beisenova.
