2020 jyl bastalǵaly elordada kámelet jasyna tolmaǵan balalardyń túngi ýaqytta oiyn-saýyq mekemelerinde nemese úiden tys jerde eresek adamdarsyz júrgeni úshin 3500 zańdy ókil ákimshilik jaýapqa tartyldy, dep habarlaidy Polisia.kz portaly.
Aita keteiik, jasóspirimder oiyn-saýyq mekemesinde júretin bolsa jaýapqa ata-ana ǵana emes, mekeme ieleri de tartylady. Biyl osyndai 100 sýbektige ÁQBtK 132-baby boiynsha jaýapkershilik júktelip, 27 780-41 670 teńge (10-15 AEK) kóleminde aiyppul salyndy.
Keiingi úsh táýlikte ǵana iývenaldy politsiia qyzmetkerleri túnde úiinde bolmaǵan kámeletke tolmaǵan 65 balany anyqtady. Barlyq faktige qatysty politseiler ÁQBtK 442-baby boiynsha ákimshilik hattama toltyryp, eskertý jasady.
Túnde Saryarqa aýdanynda 16 jastaǵy qyz oiyn-saýyq mekemesinen tabyldy.
«Politseiler kámelet jasyna tolmaǵandarǵa túngi saǵat 22:00-6:00 aralyǵynda oiyn-saýyq mekemesinde, al zańdy ókilderinsiz 23:00-6:00 aralyǵynda úiden tys jerde júrýge tyiym salynatynyn eskertedi.
Jasóspirim úige kesh qaitatyn bolsa, ony kútip alýǵa tyrysyńyz.
Eger siz balańyzdyń qaida ekenin bilmeseńiz jáne ol qońyraýlaryńyzǵa jaýap bermese dereý politsiiaǵa habar berińiz», - delingen aqparatta.
