Elordalyq tótenshe jaǵdailar departamentiniń bastyǵy Baýyrjan Syzdyqov aýa-raiynyń kúrt nasharlaýyna bailanysty qalada tótenshe jaǵdai rejimin engizýdi usyndy, - dep habarlaidy Sputnik Qazaqstan.
"Injenerlik qurylys-jol tehnikasyn jumyldyrý arqyly qalanyń azamattyq qorǵanysynyń aýmaqtyq ishki júiesin tótenshe jaǵdai rejimine aýystyrýdy usynamyn. Qaladan shyǵar joldyń barlyǵynda jylyný pýnktterin daiyndaý kerek" - dedi jedel shtabtyń otyrysynda qalalyq tótenshe jaǵdailar departamentiniń bastyǵy Baýyrjan Syzdyqov.
Departamenttegi jáne qalanyń tórt aýdanyndaǵy jedel shtab avariialyq-qutqarý jáne jedel jumystardy úilestirý úshin tańǵy 8-den bastap jumys istei bastady.
Departamenttiń kezekshi qyzmeti jumystyń kúsheitilgen túrine aýystyryldy, sondai-aq Aqmola oblysynyń tótenshe jaǵdailar departamentimen birge ózara is-qimyl jospary engizildi.
Halyqqa qaladan tys jerlerge shyqpaý, basshylarǵa qyzmetkerlerdiń jumys kúnin qysqartý, biiktikte jumys isteýdi toqtata turý usynyldy.
