Nur-Sultanda tapa-tal túste beitanys adamdy jaraqattap, tonap ketken áiel ustaldy, dep habarlaidy "Ult aqparat" qalalyq Politsiia departamentiniń baspasóz qyzmetine silteme jasap.
Baspasóz qyzmeti taratqan málimetterge qaraǵanda, 34 jastaǵy kúdikti kóshede beitanys áielden qońyraý shalý úshin telefon suraǵan. Alaida ol telefonyn berýden bas tartqan. Oǵan ashýlanǵan kúdikti jábirlenýshige dene jaraqatyn salyp, quny 100 myń teńge turatyn «Samsung» markaly uialy telefony bar sómkesin alyp ketken.
Politsiianyń habarlaýynsha, kúdikti buryn da urlyq jasaǵany úshin qylmystyq jaýapqa tartylǵan.
Elordalyq politseiler jedel-izdestirý sharalary barysynda kisi tonaǵan kúdiktini ustady. Politsiiaǵa jetkizilgen áiel jasaǵan qylmysyn moiyndady. Sómke men telefon iesine qaitaryldy. «Atalǵan fakti boiynsha QR QK 188-baby boiynsha sotqa deiingi tergeý amaldary júrgizilýde. Ustalǵan kúdiktiniń elorda aýmaǵynda buryn jasalǵan uqsas qylmystarǵa qatystylyǵy anyqtalýda»,-delingen habarlamada.
