Nur-Sultanda COVID-19-dan emdelgen sońǵy naýqas jańa týǵan nárestesimen emhanadan shyǵaryldy, dep habarlaidy "Ult aqparat" Nur-Sultan qalasy ákimdiginiń baspasóz qyzmetine silteme jasap.
Bosanǵan áiel juqpaly aýrýlar aýrýhanasyna tamyzdyń basynda koronavirýs juqtyryp, orta dárejedegi pnevmoniiamen tústi. Onyń tynysy tarylyp, shuǵyl operatsiia jasaldy. Bala aman-esen dúniege keldi. Aýrýdan taza aiyǵýyna bailanysty ana men bala aýrýhanadan shyǵaryldy.
17 tamyzda №1 kópbeiindi qalalyq aýrýhananyń akýsherlik bólimshesi koronavirýsten sońǵy naýqastyń emdelip shyǵýyna bailanysty juqpaly aýrýlar aýrýhanasy retinde qyzmetin toqtatyp, shtattyq rejimde jumys isteýge daiyndalýda.
Áieldiń týystary aýrýhananyń barlyq qyzmetkerlerine, dárigerlerge alǵys bildirdi.
«Dárigerlerdiń tynymsyz eńbeginiń arqasynda balalarymyz aman-saý úige oraldy» deidi olar.
№1 kópsalaly qalalyq aýrýhananyń akýsherlik bólimshesi 17 maýsymda juqpaly aýrýlar aýrýhanasy bolyp qaita qurylyp, koronavirýs infektsiiasy bar júkti áielderge kómek kórsetti. Munda barlyǵy 779 naýqas emdeldi, olardyń ishinde 378-i aýyr jáne ortasha pnevmoniiamen túsken. Barlyq jumys kezeńinde infektsiialyq akýsherlik bólimde 351 náreste dúniege keldi.
