Aǵymdaǵy jyldyń 1 qańtaryndaǵy jaǵdai boiynsha elordada 167 183 shaǵyn jáne orta biznes sýbektisi tirkelgen. Onyń 68 483 zańdy tulǵa, 98 364 jeke kásipker jáne 336 sharýa qojalyǵy. Ótken jylmen salystyrǵanda ósim 3,1%-dy quraidy, dep habarlaidy qala ákimdiginiń resmi saity.
Shaǵyn jáne orta kásipkerlik ókilderiniń turaqty ósýi memlekettiń kásipkerlik ortanyń jai-kúiin jetildirý boiynsha qajetti jaǵdailar jasaýynyń jáne qaladaǵy biznes-ahýaldy jaqsartý boiynsha úzdiksiz jumys júrgizýiniń arqasynda múmkin boldy. Qazirgi ýaqytta elordada shaǵyn jáne orta biznesti damytý men qoldaýǵa baǵyttalǵan birqatar baǵdarlamalar júzege asyrylýda.
Sonyń biri – «Biznestiń jol kartasy-2020» biznesti qoldaý men damytý baǵdarlamasy. Ol boiynsha ekinshi deńgeidegi bankterde nesieniń eń joǵary somasy 2,5 mlrd teńgege jetýi, kreditterdiń paiyzdyq kórsetkishterin 40%-ǵa deiin sýbsidiialaý, isin jańa bastaǵan kásipkerler úshin 85% - ǵa deiin jáne jumys istep júrgen kásipkerler úshin 50% - ǵa deiin kepil múlkin qamtamasyz etý maqsatynda kepildendirý, jańa biznes-ideialardy iske asyrý úshin 3 mln teńgege deiin mólsherde memlekettik grant berý, biznes nysandarynyń infraqurylymyn jaqsartý jumystary iske asýda.
Jumyspen nátijeli qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» baǵdarlamasy da suranysqa ie. Osy baǵdarlama aiasynda salalyq shekteýlersiz 5 jylǵa deiingi merzimge jyldyq 6% -ben 8 000 AEK-ke deiin shaǵyn nesieler berý, sondai-aq isin jańa bastaǵan kásipkerler úshin 85% - ǵa deiin jáne jumys istep júrgen biznes ókilderi úshin 50% - ǵa deiin kepildik berý kózdelgen.
