Nur-Sultan qalasynyń sanitarlyq-epidemiologiialyq baqylaý departamenti basshysynyń mindetin atqarýshy Aigúl Shaǵaltaeva elordadaǵy iri oiyn-saýyq ortalyqtarynyń jumysyn shekteýge qatysty naqty sheshim áli shyqpaǵanyn málim etti, dep habarlaidy "Ult aqparat".
«Qazirgi ýaqytta Nur-Sultan qalasy boiynsha karantin sharalaryn kúsheitýdi kózdeitin qaýly jobasy daiyndalyp jatyr. Biraq ol qaýly áli shyqpady. Sol sebepti oiyn-saýyq ortalyqtarynyń jumysyn jalǵastyratyny nemese jalǵastyrmaitynyna qatysty mende naqty jaýap joq. Elordadaǵy halyqtyń nemese kásipkerlerdiń arasynda qandai da bir dúrbeleń týǵyzbaýymyz kerek», - dedi ol «Astana – adaldyq alańynyń» Facebook paraqshasynda ótken baspasóz máslihatynda.
Spikerdiń aitýynsha, ótken aptadan bastap qana senbide OSO-lar men saýda úileri jumysyn bastaǵan bolatyn. Osy demalysta bálkim, talaptardy eskere otyryp, olar jabylýy múmkin.
«Biraq buǵan qatysty naqty sheshim qabyldanbaǵanyn atap ótkim keledi» deidi Aigúl Shaǵaltaeva.
