«Rýhani jańǵyrý» qalalyq jobalaý keńsesi Elbasynyń baǵdarlamasyn keńinen nasihattaý jáne júzege asyrý boiynsha júieli jumys jasaýda, dep habarlaidy elorda ákimdiginiń resmi saity.
Búgin, saǵat 15:00-de «Rýhani jańǵyrý» jobalyq keńsesi baǵdarlamanyń úsh jyldyǵyna arnalǵan kezekti onlain seminar ótkizedi. Sharaǵa arnaiy spiker retinde koých psiholog, kópbalaly ana Quralai Oshaqbaeva shaqyrylǵan.
Seminarǵa qatysýshylar úshin «Armandar oryndalady» taqyrybynda dáris uiymdastyrylady. Dáristiń maqsaty – óskeleń urpaqqa baǵdarlama mánin túsindirip, tabysty jáne gúldengen qoǵamdy qurýda rýhani qundylyqtardyń mańyzyn taldaý. Karantin jariialanǵan sátten bastap qala aýmaǵynda mektep psihologtary men qala turǵyndary úshin alty onlain seminar uiymdastyrylǵan.
Seminarlar Skype baǵdarlamasy boiynsha apta saiyn beisenbi jáne juma kúnderi (qazaq jáne orys tilderinde) ótkiziledi. Bir ai ishinde seminarlarǵa 100-ge jýyq mektep psihologtary qatysqan.
Aita ketsek, Elbasy Nursultan Nazarbaevtyń «Bolashaqqa baǵdar: rýhani jańǵyrtý» atty baǵdarlamalyq maqalasy jariialanǵanyna úsh jyl tolǵany belgili. Elimizde ideologiialyq qujat retinde tanylǵan maqala 2017 jyldyń 12 sáýirinde jariialandy. Barlyq óńirde baǵdarlamanyń negizgi baǵyttaryn iske asyrý maqsatynda jobalyq keńseler qurylǵan. Básekege qabilettilik, pragmatizm, ulttyq biregeilikti saqtaý, Qazaqstannyń revoliýtsiialyq emes, evoliýtsiialyq damýy, bilim kýlti jáne sananyń ashyqtyǵy XXI ǵasyrdaǵy ulttyq sanany jańǵyrtýdyń negizgi baǵyttary retinde tanylǵan.
Qazirgi ýaqytta baǵdarlamanyń alty baǵyty boiynsha 13 arnaiy joba iske asýda. Nur-Sultan qalasy boiynsha «Rýhani jańǵyrý» jobalyq keńsesi baǵdarlamany keńinen nasihattaý jáne júzege asyrý baǵytynda júieli jumys jasaýda.
