Elordada memlekettik baǵdarlamamen úi alyp berýdi ýáde etken alaiaq 7 jylǵa jýyq merzimge sottaldy. Bul týraly Nur-Sultan qalalyq sotynan málim etti, dep habarlaidy "Ult aqparat".
«Tergeý barysynda anyqtalǵandai, azamatsha S. 2016 jyly óz tanystary arasynda jyljymaityn múlikti naryqtaǵydan tómen baǵamen zańdy túrde alý múmkindigi jáne memlekettik baǵdarlama boiynsha baspana kezegin alǵa jyljytyp beretindigi týraly kórineý jalǵan aqparat tarata bastaǵan. Osy jyldyń maýsym aiynda ol elordada turatyn kelinshekpen tanysyp, ony memlekettik baǵdarlamamen úi alýǵa kóndirgen. Solaisha, odan 4 mln 800 myń teńge kóleminde aqsha alǵan. Alaida, ol ózine alǵan mindettemeleri boiynsha qandai da bir áreketterdi qolǵa almaǵan jáne ony oryndaý oiynda da bolmaǵan», - dedi qalalyq sottan.
№2 Almaty aýdandyq soty áieldi QR QK-niń 190-baby 3-bóliginiń 1-tarmaqshasy (Iri kólemde jasalǵan alaiaqtyq) boiynsha kináli dep tanydy.
«Azamatsha S. 2017 jyly QR QK-niń 190-baby 4-bóliginiń 2-tarmaqshasy boiynsha sottalǵandyqtan, oǵan anaǵurlym qatań jazany belgileý maqsatynda sottyń sońǵy sheshimimen 6 jyl 8 ai bas bostandyǵynan aiyrý taǵaiyndaldy», - delingen vedomstvo aqparatynda.
