Nur-Sultanda "LRT tirekterin súrip jatqan er adamnyń" videosyna CTS kólik kompaniiasy túsinik berdi, - dep habarlaidy Tengrinews.kz agenttigi.
Áleýmettik jeli men messendjer qoldanýshylary taratyp jatqan videoda er adam LRT konstrýktsiiasyn súrip jatqanyn aitady.
CTS baspasóz qyzmetindegiler aqparatty joqqa shyǵardy, olar video 2021 jyly túsirilgenin aitty.
"Búgin LRT konstrýktsiialary buzylyp jatyr degen video belsendi tarap jatyr. Bul video byltyr kúzde túsirilgenin resmi málimdeimiz. Videoda qytailyq konsortsiým qurylys aǵashtary úshin tehnologiialyq negizdi (alańdy) taldaý úshin jaldaǵan tehnikanyń jumysy kórsetilgen. Elordada LRT tirekterin bólshekteý jumystary júrgizilmeidi", - dedi kompaniia ókilderi.
Aita keteiik, qańtardyń basynda Prezident Qasym-Jomart Toqaev Nur-Sultandaǵy LRT qurylysyn synǵa alǵan bolatyn.
"LRT qurylysy infraqurylymdyq jobadan eldiń bedeline nuqsan keltiretin kúrdeli problemaǵa ainaldy. (...) Bul alǵashynan qate joba. Ońtaily sheshim qabyldaý kerek, buza salý aqsha men ýaqyttyń joǵalǵanyn bildiredi", - dedi Toqaev Májilis otyrysynda.
